攝影師的自我反省【西餐類食物相片拍攝】鐵板雜扒配黑椒汁

這是TASTY-PHOTO過往曾經拍攝過的【西餐類食物相片拍攝】鐵板雜扒配黑椒汁的圖片

西餐料理多種多樣，要是細分下去的話，美式、英式、意大利、西班牙、德國…等等都是非常常見的種類，各自都有許多不同的美食，在此未能全部公開參考。亦會有更加多的，是TASTY-PHOTO還未曾踫到機會去拍攝。要是能有機會去嘗試的話，相信會非常有趣。

但除了要去嘗試更多不同類型的食物拍攝之外

點解呢??

就係響拍攝用嘅食物狀況處理上面，今次呢張相片嘅前期工夫的確是不足夠。正常情況下，作為中間軸心主角一樣存在嘅豬扒，絕對唔應該煎得這樣燶邊。多少焦香感覺是可以，如果去到呢個情況，其實應該要求大廚預備另一塊豬扒代替，先至係上策。

預算少到爆炸，有時甚至會出現一邊拍攝完成，另一邊已經要回收入去，再砌另一道類似嘅菜式去拍攝，例如同一碟咖哩汁可以配完牛扒，再配豬扒雞扒甚至乎吉列魚扒，即係影得唔好嘥。

不過，如果遇到真係過唔到自己嗰關嘅狀況，其實攝影師都真係應該要出聲，我自己的話基本上都會開口同師傅講，食物賣相有問題需要處理，通常師傅都會盡力幫手，解決問題。

今次呢個問題，算係我自己睇漏眼；有時候一次過要影好多款嘢嘅場合，隨時係超過七八十款，其實每個鐘頭可以影嘅大概都只係十幾款左右，即係六七個鐘頭走唔甩。

但係人嘅集中力其實通常兩三個鐘頭左右就開始下降，所以一般嚟講，除非係特別趕急嘅攝影場合，如果唔係大概兩個鐘頭左右就需要抖一抖。

集中力下降自然就容易出事，應該睇到嘅嘢都會睇漏眼，明明唔應該犯嘅錯都會犯。如果一定要反省嘅，就係攝影師都需要做好時間管理，唔可以去得太盡，攝影前要同客人做好時間上嘅溝通，盡量預留時間，先至可以萬無一失。