唔講唔知，原來用眼平位角度(EYE LEVEL)，其實可以影到好特別同吸引人嘅效果

呢個技術，或者叫做手法啦，係指你企喺度影相時，將被攝物保持喺眼睛同相機差不多高度，影出嚟嘅相片會好平衡同真實。

例如，你影飲品嘅時候，可以試下用EYE LEVEL，咁樣可以展示出飲品嘅層次、顏色同質感。而且，只要你夠膽再下調少少角度，用少少廣角，你甚至可以將一杯飲品影到感覺「超級大杯」!!

我自己就一般都會用呢種手法，去回應客戶要求，拍攝「感覺好大杯超值嘅飲品」。

同樣，你影漢堡包時，眼平位嘅拍攝可以突顯到麵包、肉同配料嘅美味層次(例如各大快餐店，你可以留意，佢地全部都係咁樣去影)。

唔好怕試下唔同嘅角度，例如降低或者抬高相機角度，盡量嘗試令相片有多啲深度同變化，影多幾張，搵出最靚嘅構圖啦。