唔單止係個味道，仲有辣椒嘅味，配埋落咗青檸嘅醬汁，清爽嘅生菜同薄荷葉，仲有炸到香脆嘅春卷，真係正到不得了。另外又牛河、又粉包…大把野好食…
但，我想講嘅其實唔係呢啲，而係我影嘅呢幅春卷相。唔知大家有無留意過，通常影食物，我地會因應正常人一般嘅心理因素，而決定採用斜斜地嘅角度咁影(因為最接近大家食野時見到食物嘅角度，咁影係會最易被接受)
不過，今次我特登用鳥瞰角度去影，原因好簡單︰因為我貪心，想每樣嘢都做焦點。
由於單反相機嘅限制，斜影會因為景深而前後都有啲模糊，所以如果想全面清晰嘅話，鳥瞰角度係最好嘅選擇。
為咗捕捉越南傳統美食嘅精髓，我將呢啲香脆嘅金黃春卷精心擺盤，再加上新鮮嘅薄荷葉、爽脆嘅生菜同風味十足嘅魚露，將呢道菜嘅風味同口感完美呈現出嚟。
越南美食有其獨特嘅鮮艷色彩，炸物嘅金黃、蔬菜嘅青綠，加埋啲紅色嘅辣椒，樣樣都擺得好好，直頭可以拎來做主角，搶到鏡，用鳥瞰角度影完，畫面自然就足夠豐富。而呢幅相原本係為咗餐廳用嚟做海報嘅，所以打直影呢幅相，之後只要加返啲字同Logo，成幅海報設計就即刻可以完成(有影得好嘅相，或者咁講，有影得好適合用於設計嘅相，對於後期設計加工，係相當之重要嘅)。
影完之後，我當然即刻就食哂，真係好味，正。