由【中菜餐牌設計】海鮮大咖開業優惠設計講起︰「設計」同「藝術」其實係兩回事

唔少人會講：「我唔識設計」或者「藝術呢家野我識條鐵咩」，於是就將所有嘢交畀設計師處理。其實，大家好多時都會混淆「設計」同「藝術」嘅意思。

平時生活入面經常見到嘅「設計」同「藝術」兩者，或者係「設計師」同「藝術家」，呢兩個詞表面上似乎只係叫法唔同，但其實背後係有好大分別。佢地最主要分別係喺每個角色所追求嘅結果唔同。設計，有好大部分係溝通出來嘅改良結果，你唔識唔緊要，就緊要知道自己想要咩，慢慢搞掂佢。至於藝術喇喎…太深奧，其實我都唔識。

追求「信息傳遞」同「自我表現」

可以咁講啦，藝術家係用自己嘅感覺同想法去自由創作，進行「自我表現」。佢哋唔會太在意其他人點睇，最緊要係自己表達到啲咩。

但我地呢種(攝影師兼任)設計師就唔同，設計師要通過設計去傳遞信息，令客戶嘅目標受眾採取某啲行動，從而達到「信息傳遞」嘅目的。而我地做餐牌設計嘅，當然係結果導向。設計唔只係追求「靚」、「型」或者「有衝擊力」，而係根據我地喺飲食行業打滾多年嘅經驗，了解客戶嘅需要，再去做一個設計。同時，會解釋點解呢個設計好，並提供更切合客戶實際需求嘅建議。

每個客戶嘅需求因應店鋪規模、位置、產品、服務等有唔同，所以唔會有一個「標準答案」

即使係頂級設計師或者文案，都未必可以保證100%成功率。所以，即使第一次唔能夠達到理想結果，都會基於結果進行調整，力求達到客戶想要嘅效果。

再簡單啲去講，即係作為設計師，我地只係個Worker，最緊要係知道客要啲咩，然後盡力去做到要求嘅效果，僅此而已。

就好似圖中嘅海鮮大咖設計咁，藝術成份，係零

但係就會主力將客戶需要顯示嘅所有資訊、睇上去好好味嘅海鮮圖片展示出來，以求達到為「開業優惠」做宣傳嘅效果，簡單直白，清楚為上。

以下是一部分以供參考，可以在此參看更多其他同類設計稿