所謂視線高度，就係指攝影者喺直立嘅情況下，攝影機嘅位置同攝影者嘅眼睛係同一個高度。一般嚟講攝影時嘅拍攝角度應該同眼睛嘅高度一樣高，即係「視線高度」，用視線高度拍攝會更加自然，但就容易感覺「平凡」同正常」。
而如果你想有特別嘅視覺效果，就可以另外選用低角度或高角度拍攝，你會發現世界有更多不同嘅表現方式。
因為「視線高度」嘅關係，如果想影啲小朋友嘅相，就最好蹲低啲，攝影角度同小朋友嘅眼睛平齊。
而如果係影啲狗、貓、地上嘅花等，咁就可能要趴低啲先拍攝，就會見到有好多唔同嘅效果，例如更加可愛、美麗或者英姿勃勃。攝影時都可以考慮唔同角度，例如高角度同低角度，去決定構圖同拍攝多幾張相啦。