TASTY-PHOTO亦拍攝過為數不少的壽司與刺身相關相片，例如今次的【壽司刺身類相片】吞拿魚大拖羅三文魚子丼飯
作為一個攝影師，如果你要我去排列，究竟邊個國家嘅菜式係最容易拍攝的話，日本餐都可以算係比較前排嘅位置
點解??原因其實真係好簡單，因為色彩通常都比較豐富。
就攞圖中呢個壽司丼飯嚟做舉例，你可以睇到佢嘅魚生刺身色澤鮮紅，而且配合蔥花同山葵等藥味配菜，都係一啲顏色鮮艷，而且對比強烈嘅食材配料；當你放兩三支閃光燈，打燈落去嘅時候，好自然就可以反映出食材本身鮮艷嘅顏色，睇起嚟往往都賞心悅目
而且好多時影刺身壽司一類嘅食物，色彩本身係半生或者全生嘅狀態，咁樣嘅話，食材表面係比較多油脂去反射閃光燈嘅光，自然就可以有更多高光位，睇起嚟好容易就做到成碗飯都有一種閃閃發光嘅新鮮感覺，確實係比較吸引，同引起人嘅食慾。
另一方面，日本餐嘅師傅係同西餐分庭抗禮
兩者都同樣重視食物擺盤方式。日本餐嘅師傅就算簡單一碗丼飯，都總會有一啲令人驚喜嘅排列佈置方式。
根據我自己多年出去拍攝嘅經驗，如果知道當日需要拍攝嘅係日本料理，基本上我可以判定自己係唔需要兼任食物造型師嘅位置，能夠專心一致進行拍攝。
如果再一次用今次相片當中嘅食物去舉例的話，你會睇到師傅本身有意識去將丼飯同刺物嘅份量，鋪滿去到飯碗邊接近邊緣位置…
咁樣鋪滿其實係好重要，知唔知點解??
原因好簡單，主要係想俾人一種豐滿同份量大嘅感覺，而唔係好似食剩咗一樣。更簡單就係要令你覺得「抵食」，從而增加購買慾。
有別於西餐，尤其是大家成日講笑嘅法國餐，佢哋採取唔同嘅思考方式，會選用好大隻碟，中間只放少少食物，最終營造「精緻」嘅感覺。
而日本嘅丼飯同拉麵，就係要營造一種豐滿，份量充足嘅感覺
當佢哋用一隻碗去放食物嘅時候，盡量將食物鋪滿到碗邊接近八成或以上，中間再鋪成為一個細細地嘅山丘，咁做的話，自然響拍攝嘅時候，有一種隆起咗嘅感覺。
客人望到呢張相，就會聯想到好澎湃同份量大。相反的話，就會引起錯覺，令人覺得份量好細。呢個其實係好簡單嘅比例問題，隻碗越大，睇起上嚟嘅食物份量自然更加細。
由此可以睇到，日本師傅除咗響顏色嘅配搭上面有花心思，食物造型上面往往都有一定嘅功力。
呢一種拍攝上面嘅小小巧思，其實做法相當簡單，亦可以完全應用於中餐或者其他需要用「碗」去盛載嘅食物上面。
大家有需要的話，下次拍攝食物時都可以自行試試，比較一下，睇吓影出來嘅相，係咪真係會唔同啲??
可以在此參看一些同樣是壽司刺身類的相片
