酸酸地又容易被忽視,但如果識食其實好好食嘅醋鯖魚   

關於鯖魚,可能因為口味問題,唔算係好大眾嘅一個選擇,香港人其實一般都唔係好清楚,但原來鯖魚除咗用醋浸漬過之外,晌日本其實都會生食,亦都會有唔同嘅浸漬程度去處理,例如神奈川有部分產地會盡量使用更加少醋去浸漬,酸味比較低,咁係為咗畀客人食到著名產地幾好味道。

另外亦有部分餐廳嘅秘訣係用糖去平衡醋嘅酸味,令到成品嘅鯖魚更容易入口。但始終因為受眾唔夠多,唔同三文魚咁受歡迎,響香港比較難搵到用心製作嘅醋鯖魚,除咗畀貴啲嘅價錢去高級壽司舖食之後,我諗要食好味嘅醋鯖魚可能就要特登去日本嘅產地搵先得。

而鯖魚呢一種介乎於白身同赤身之間嘅魚類,其實佢嘅油脂含量比想像中豐富,而日本人經常話秋鯖魚、寒鯖魚,其實就間接表示咗鯖魚響秋天同冬天之間最肥美,如果想食好味嘅鯖魚就要記得揀啱季節喇。

撳入相片連結就可以去購買文章內呢張醋鯖魚嘅素材,如果有需要請隨便瀏覽。