影結婚相通常都會有一個迷思,就係要有靚景,先至可以有靚相?

當然,無可否認有靚人加靚景,能夠影到你好靚好靚(比平時更靚)嘅機會會大好多,而且銀根鬆裕的話,當係一次小旅行,留一個美好回憶俾自己,更加係非常好嘅事情。不過,單係以影相而論,其實影室內嘅發揮會比較大,在受控嘅環境下創作,透過燈光,攝影師會有更大機會將你嘅美貌以最好嘅方式留低。

另外,大家可能會擔憂室內拍攝的話,場景會比較悶,來來去去都係四面牆加張凳;其實只要能夠發揮創意,以及利用不同的材料做背景及陪襯,出來嘅成品往往更加出人意表地好。

IMG_6708

例如圖中嘅紗牆背景,其實係叫模特兒躺在自己嘅紗裙上面拍攝的。亦可以簡單容易咁透過利用其他唔同嘅紗、絲、布、絹等等質地,營造完全唔同嘅質感。

mv01

或者,你可以用花花草草作為背景,畫面一樣會非常豐富。

Tonya_Jared_web027

而如果想要比較型格嘅畫面,可以單純用一幅粗水泥牆都足夠,我哋可以用打燈嘅方式令質感更加有層次。配合形體動作,可以得到令人嘆為觀止嘅成品,有別一般婚紗相。

27

想要畫面有神秘感,或者新人好喜歡自己嘅輪廓,亦可以選擇用背光嘅打法,勾出你哋嘅身影,一樣非常之靚。

另外如果新人有自己嘅定情信物,都可以作為小道具用於拍攝當中,拍攝出來嘅相片將會增加其紀念價值。只要你話比我哋知你嘅需求,我哋將會為你預備好你所希望嘅場景,亦可以免去舟車勞頓之苦。講句老實說話,新娘子大熱天時着住婚紗出外景影婚紗相,其實都係好辛苦架,怕熱嘅新娘子,在室內影婚紗相可能會係你最明智嘅選擇。

One thought on “影結婚相通常都會有一個迷思,就係要有靚景,先至可以有靚相?

Comments are closed.